رواية رائعة بقلم الكاتبة مني عادل
هدير من أوضة العمليات بس للأسف دخلت في غيبوبة وقالو إنهم مش عارفين هتفوق منها إمتى
بعد مرور شهر على كتب كتابها على مؤمن بس التعامل بينهم فضل رسمي زي ما كانت لما جت تشتغل عندهم
عشان تراعي هدير في فترة حملها بس الي إتغير إنها بقت بتاخد بالها من الولاد و لبسهم و أكلهم
و بتهتم بطلباته و بتراعي إبنه الي بقا عنده شهر دلوقتي
في يوم كانت عبير قاعدة بترضع الولد الصغير و تيم واقف بيزن عليها تحطله الغدا
عبير حاضر حاضر يا تيم روح إغسل إيدك و أنا هحطلك الأكل ثواني بس أخلص الي في إيدي
تيم حاضر
وراح يغسل إيديه وعبير حطت الولد الي كان نام وقتها وراحت جهزت الغدا
عيونها دمعت وراحت على الطرابيزة الي قاعدين عليها وقلبت كل الصحون رمتهم على الأرض
رسيل پغضب إنتي فاكرة نفسك إيه إنتي جاية من الأول عايزة تاخدي مكان ماما صح خليتي تيم يحبك و إتجوزتي بابا و دلوقتي بتحاولي تنسيهم في ماما مش كده بس ده بعدك ماما هتخف و هترجع بكرة تشوفي
مؤمن پغضب رسييل إنتي إيه الي بتعمليه ده إنتي إتجننتي
كان عايز يروح يمسكها و يعاقبها بس عبير منعته عنها
عبير أستاذ مؤمن من فضلك
بصلها و متكلمش ورجع بص لرسيل إطلعي على أوضتك حالا وبعدين هيبقا ليا كلام تاني معاكي
عبير هدت تيم وطمنته وطلبت منه يطلع لرسيل لأنها محتاجاه عشان يواسيها و هي بس مش عارفة تطلب ده مننا تيم سمع كلامها و طلعلها
عبير بهدوء خير الدكتور قلكم إيه النهاردة
مؤمن أتنهد بتعب بيقول إن إحتمال إنها تفوق إحتمال ضئيل جدا و كل يوم بيعدي بيفقدو الأمل في حالتها و الدكتور كان بيعرض عليا نتبرع بأعضاءها أحسن
عبير كانت حاطه إيدها على بقها من الصدمة رسيل سمعت الكلام ده
عبير عشان كده إتصرفت بالطريقة دي
مؤمن بإبتسامة إنتي بتبرريلها الي هي عملته
عبير تقدر تقول عذراها مش بسهولة كده نيجي نطلب منها تتقبل الوضع الي والدتها فيه وكمان تتقبل وجودي في حياتها
بالليل عبير نيمت الولد الصغير و طلعت تطمن على تيم و رسيل خبطت على أوضة رسيل ودخلت لقتها قاعدة و حاضنة صورة وهي بټعيط قعدت جنبها و مسحت على شعرها إدعيلها يا حبيبتي إن شاءلله ربنا
يقومها بالسلامة
بصتلها شوية بتردد
