رواية رائعة بقلم الكاتبة إيمان شلبي
بلعت ريقي لما لقيته قرب مني وبعدت خطوه لورا وبدون اي مقدمات لقيته بيشيلني مره واحده وبيطلع بيا علي اللعبه وبيركبني وبيركب معايا
عاااااا لا لا وحياه امك لا يايونس انا بخاف لا عشان خاطري لاااااااااااااااااا
صړخت بفزع وبصوت عالي لما اللعبه لفت بينا وانا بحاول امسك في أي حاجه عشان مقعش كنت مړعوبه جدا دماغي بتلف بيا وقلبي بيدق بسرعه رهيبه
لقيته بيرد عليا بصوت عالي
مش انتي كنتي عايزه تروحي الملاهى مالك زعلانه ليه انا بعمل خير
رديت وانا بترج في مكاني
لاااااااا ارجوك الله يخليك مش عايزه مش عايزه اروح في حته عشان خاطرررررررري
رد بصوت حاد ممزوج بالغيظ
مش هوقف اللعبه ياايمان عشان انا مش كيس جوافه عشان تلبسي اللبس اللي قولتلك عليه لا الف مره
انت اصلا ملكش حكم عليا
بقي كده
ايوه ووقف الزفته دي وخلي عندك كرامه انا مش عايزاك يا اخي هو عافيه !!
رد بغيظ
تمام يا ايمان متزعليش بقي من اللي هيحصل
وفجأه لقيت اللعبه سرعتها بتزيد اكتر وانا دقات قلبي بتعلي اكتر
عااااااا خلاص خلاص والله انا اسفه اعتبرني عيله وغلطت عاااااا
رد ببرود
رديت بصوت يشبه العياط
ااااه وحياه امك الست الطيبه اللي متستاهلش يبقي عندها بني آدم برأس بخاخه زيك
بخاخه!!
ارجوك يا استاذ بخاخه يوه اقصد ي يايونس وقف الله يخليك هموووووت
اممممم تمام هوقف بس بشرط
رديت بلهفه
ايه هو
تقولي انك موافقه ترجعيلي وقدام الناس دي كلها
رديت بتلقائية
اااااه ده عند ام ترتر تعرفها
حلو غلط وانا كنت مستنيه يغلط ياريسسس
رديت بغيظ وعند
اعمل اللي تعمله برضو لا لا لا لا استحاله ارجعلك
رد ببرود
تمام براحتك ياحبيبتي
حسيت براسي بتتقل وعيوني بتقفل حاولت اتماسك وانا بقول بضعف
ي يونس الحقني
قولت جملتي من هنا ومحستش بنفسي وغمضت عيني باستسلام
بعد شويه كان شايلني ومغمضه عيني بس حاسه وسامعه كل حاجه في الحقيقه انا مكنتش فقدت الوعي انا اتظاهرات بكده عشان يوقف اللعبه مش اكتر
انا اسف حقك عليا
قعدني علي كرسي بمساعده الناس ولسوء حظي كان في دكتور موجود قرب منه وهو بيعاتبه
بصراحه يا استاذ مكانش ينفع تعمل في الانسه كده
يونس بنبره كلها غيظ وغيره
مدام ياحضرت
اتنحنح وهو بيفتح شنطته باحراج
ا احم طب وسعولي لو سمحتوا اكشف عليها
ها طمني
متقلقش هي بس داخت شويه من اللعبه وثوااااني وهتفوق
وضغط علي كلمه ثواني وكأنه بيوصلي رساله أنه عرف اني مش فاقده الوعي وإن مفيش داعي اكمل في لعبتي لاني هتكشف بغبائي
وفعلا ثواني وعملت نفسي بفوق وانا بحرك جفوني وپتألم
ااااه
يونس وهو بيقرب مني بلهفه وبيقعد علي ركبته
ايمان حبيبتي انتي كويسه فيكي حاجه
بصيتله وانا بفرك راسي بتعب
اه كويسه
انا اسف
لوهله حسيت نفسي هضعف قدام رقته وحنيته ونبره صوته الحزينه
اتنهدت وانا ببص حوليا وبقول بجمود
ممكن نمشي لو سمحت
حاضر
قالها بهدوء وهو بيقوم يقف وبيمدلي أيده
رفعت راسي وانا ببص لايده الممدوده واتجاهلتها
وقومت لوحدي من غير مساعدته
انت بتعمل ايه
قولتها بفزع لما لقيت نفسي مره واحده مرفوعه عن الأرض
بصلي بثبات
ايه انتي تعبانه اسيبك تمشي وتقعي مني يعني !
رفعت حاجبي بسخريه
والله
مشي بيا وخرجنا من الملاهي وهو
