رواية رائعة بقلم الكاتبة إيمان صلاح
تعالي ونشغل حاجه نسمعها مع بعض ايه رايك
ابتسمتلها بهدوء _ كده تمام
راحت عند الشاشه وفتحتها وشغلت فيلم بس كان قديم شويه
_ الله انا بحب الفيلم ده اوي
_ ما انا عارفه انتي طول عمرك بتحبي رشدي اباظه
_ انتي لسه فاكره ده تقريبا مكنتش بعدي فيلم ليه عموما انا بحب كل الافلام القديمه كلها
بصتلها باهتمام_ لو عايزه تقلبي على القناة وتجيبي فيلم غير ده عادي على فكره
_ لا انا مش مهتمه اوي فهسمع معاكي
هزيت راسي بهدوء_اوكي
كنا
قاعدين مندمجين اوي ومرات عمي جت وشاركتنا الفيلم وبعدها لقيت وائل واقف قصادنا
_ ايه هو لسه لحد دلوقتي فيه حد بيسمع الزوجه 13
كان بيتكلم معاها وبعدها بصلي بهدوء _ ازيك يا هاجر عامله ايه
_ الحمدلله انت عامل ايه يا وائل كويس
رد عليا وهو بيقعد جنب نوال_ الحمدلله عايش
بصتله بذهول رده فاجئني _ هو حد قايل عليك مېت ايه عايش دي!
_ عادي يعني متهتميش يا هاجر
شوح بإيده _ مش لازم تفهمي على فكره!
مسك الريمود قلب بلامبالاه وانا بصتله بغيظ ايه البني ادم ده هو بقى عامل كده ليه!
قومت من مكاني بضيق وطلعت بره وبعدها وقفت بعيد ونوال وقفت جنبي.
_ اوعي تكوني زعلتي من وائل
_ لا لا هزعل من ايه وائل زي احمد اخويا بالظبط
_ هو طبعه جاد شوية وكمان حاله الفترة الفاتت بقى غريب
_هو فعلا مكنش كده بس حاله اتغير من يوم وليله تماما
بصتلها بفضول _ ازاي يعني ماله
_ مش عارفه فيه فتره كده بقى مش بيطلع من الاوضة ومكتئب دايما حاولنا نعرف ماله معرفناش اي حاجه وحتى الشغل أهمل فيه
_ ولحد دلوقتي الموضوع ده
_ لا هو بس بقى تعامله صعب شويه بس عادي بينزل شغله وكده يعني
_ هو ده اللي حاولت اعرفه بس.
مكملتش الكلمه ولقينا صوت ورانا
_ ايه ده هاجر هنا معقول
بابتسامه فسلمت عليه
_ ازيك يا محمد عامل ايه!
_ الحمدلله بخير انتي عامله ايه يا قمر
_ كويسه انت لسه جاي من الشغل!
_ اه كنت هدخل البيت لمحتكم قولت اسلم عليكم
_ عادي الحمدلله اخبار خطيبك ايه
_ الحمدلله
_ مجاش معاكي نتعرف عليه ليه
_ عنده شغل بس
اتكلم بغلاسه_عنده ولا مصدق خلص منك
بصتله بضيق_ مين ده اللي خلص مني هو انت مفكرني زي
سكت شويه بخبث وبعدها اتكلمت _ ولا بلاش احسن ټعيط
رجع لورا باستسلام_ لا وعلى ايه الطيب احسن!
نوال بصتله بفضول _ هي قصدها مين
خپطها على
